യാത്രക്കാരുടെ ജീവന് ഭീഷണിയാകുംവിധം വെള്ളക്കെട്ടിലൂടെ ബസ് ഓടിച്ചതിന് സസ്പെന്ഷനിലായ കെഎസ്ആര്ടിസി ഡ്രൈവറെ അച്ചടക്കനടപടി നിലനിര്ത്തി തിരിച്ചെടുത്തു. ശക്തമായ മഴയില് വെള്ളക്കെട്ടില് പാതി മുങ്ങിയ കെഎസ്ആര്ടിസി ബസിന്റെ വീഡിയോ ദൃശ്യങ്ങള് കഴിഞ്ഞ ഒക്ടോബറില് സോഷ്യല് മീഡിയയില് ഉള്പ്പെടെ വൈറലായിരുന്നു. പൂഞ്ഞാര് സെന്റ് മേരീസ് പള്ളിയുടെ മുന്നിലായിരുന്നു കെഎസ്ആര്ടിസി ബസ് വെള്ളക്കെട്ടില് മുങ്ങിയത്.
വലിയ വെള്ളക്കെട്ടിലൂടെ ബസ് ഓടിച്ച് യാത്രക്കാരുടെ ജീവന് ഭീഷണിയും ബസിന് നാശനഷ്ടവും വരുത്തിയ ഡ്രൈവറെ ഗതാഗതവകുപ്പ് സസ്പെന്ഡ് ചെയ്തിരുന്നു.2021 ഒക്ടോബറിലായിരുന്നു ഒരാള്പൊക്കമുള്ള വെള്ളക്കെട്ടിലൂടെ ജയദീപ് ബസോടിച്ചത്.പൊതുമുതല് നശിപ്പിച്ചതിനും കെഎസ്ആര്ടിസിയ്ക്ക് 5.30 ലക്ഷം രൂപ നഷ്ടമുണ്ടാക്കിയതിനും ജയദീപിനെതിരെ പോലീസ് കേസെടുത്തിരുന്നു.
ഈരാറ്റുപേട്ട-പൂഞ്ഞാര് റൂട്ടില് പൂഞ്ഞാര് സെന്റ് മേരീസ് പള്ളിയ്ക്ക് സമീപം രൂപപ്പെട്ട വെള്ളക്കെട്ടിലാണ് ബസ് കുടുങ്ങിയത്.സസ്പെൻഡ് ചെയ്തതിനെതിരെ ഗതാഗത മന്ത്രിയെ വിമർശിച്ച് സമൂഹ മാധ്യമത്തിൽ വീഡിയോയും പ്രചരിപ്പിച്ച് ജയദിപ് വിവാദത്തിലായിരുന്നു.തന്റെ ഫേസ് ബുക്ക് പേജിലൂടെ രൂക്ഷമായ ഭാഷയിലുള്ള നിരവധി പോസ്റ്റുകളാണ് അദ്ദേഹം അന്ന് പങ്കുവച്ചത്.എനിക്ക് ഈ പണി മാത്രമല്ല ബാർബർ പണി വരെ അറിയാമെന്നാണ്.
