തിരുവനന്തപുരം പോത്തന്കോട് യുവാവിനെ ഗുണ്ടാ സംഘം വെട്ടിക്കൊന്നു. കല്ലൂര് സ്വദേശി സുധീഷാണ് മരിച്ചത്. ഗുണ്ടാ സംഘം സുധീഷിന്റെ കാല് വെട്ടിയെടുത്ത് റോഡില് എറിഞ്ഞു.ബൈക്കിലും ഓട്ടോയിലുമായെത്തിയ പത്തംഗ സംഘമാണ് സുധീഷിനെ ആക്രമിച്ചത്.ഭീകരാന്തരീക്ഷം സൃഷ്ടിച്ചെത്തിയവരെ കണ്ട് സുധീഷ് വീട്ടിലേക്ക് ഓടിക്കയറിയെങ്കിലും പുറകിലൂടെ വന്ന് വെട്ടുകയായിരുന്നു.
ബഹളം കേട്ട് നാട്ടുകാരെത്തിയെങ്കിലും ഗുണ്ടാ സംഘം വിരട്ടിയോടിച്ചു. സുധീഷിന്്റെ കാല് വെട്ടിയെടുത്ത സംഘം ഇത് റോഡില് ഉപേക്ഷിച്ച് കടന്നുകളഞ്ഞു. പരിക്കേറ്റ സുധീഷിനെ മെഡിക്കല് കോളജ് ആശുപത്രിയില് പ്രവേശിപ്പിച്ചെങ്കിലും മരണപ്പെട്ടു.
പോത്തന്കോട് പോലീസ് അന്വേഷണം തുടങ്ങി. ഗുണ്ടാ പകയെന്നാണ് നിഗമനം. 35 വയസ്സുള്ള സുധീഷ് നിരവധി അടിപിടി കേസുകളില് പ്രതിയാണ്. മൃതദേഹം മോര്ച്ചറിയിലേക്ക് മാറ്റി.
