കോട്ടയം: കാഞ്ഞിരപ്പള്ളി ഫയർ സ്റ്റേഷനിലെ 25 ഉദ്യോഗസ്ഥർക്ക് കോവിഡ് സ്ഥിരീകരിച്ചു. 45 ഉദ്യോഗസ്ഥരാണ് സ്റ്റേഷനിലുള്ളത്. 16 പേരുടെ പരിശോധനാഫലം വരാനുണ്ട്. ഇവരിൽ പലർക്കും രോഗലക്ഷണങ്ങളുണ്ടെന്നും റിപ്പോർട്ടുണ്ട്.
കോവിഡ് പിടിപെട്ടവരും പരിശോധനാഫലം കാത്തിരിക്കുന്നവരും നിരീക്ഷണത്തിലേക്ക് മാറിയതോടെ നിലവിൽ അഞ്ച് പേരുമായാണ് ഫയർ സ്റ്റേഷൻ പ്രവർത്തിക്കുന്നത്. അതിനാൽ തന്നെ സ്റ്റേഷന്റെ പ്രവർത്തനം താളംതെറ്റി.
ഇത്രവലിയ തോതിൽ സ്റ്റേഷനിൽ എങ്ങനെ രോഗവ്യാപനമുണ്ടായി എന്ന് വ്യക്തമായിട്ടില്ല. പലർക്കും രോഗലക്ഷണങ്ങൾ കണ്ടതോടെ കഴിഞ്ഞ ദിവസങ്ങളിലാണ് പരിശോധനയ്ക്ക് വിധേയരായത്.
കൂടുതൽ പേർക്ക് സാധ്യത .. സ്ഥിതി അതീവഗുരുതരം …
ദിവസവും, ശക്തമായ കാറ്റും മഴയും, ഇടിമിന്നലും ഉണ്ടായിക്കൊണ്ടിരിക്കുന്ന സാഹചര്യത്തിൽ കാഞ്ഞിരപ്പള്ളിയെ സംരക്ഷിച്ചു നിർത്തേണ്ട ഫയർസ്റ്റേഷൻ ഉദോഗസ്ഥരിൽ നിരവധിപേർക്ക് കോവിഡ് രോഗബാധ ഉണ്ടായി എന്ന വാർത്ത ഏവരെയും പരിഭ്രാന്തിയിലാക്കി .
