ശനിയാഴ്ച രാത്രി പത്ത് മണിക്കാണ് അഷറഫിനെ തട്ടിക്കൊണ്ടുപോയത്. മുക്കത്തെ സൂപ്പര്മാര്ക്കറ്റ് അടച്ച് രാത്രി വീട്ടിലേക്ക് പോകുന്നതിനിടെയാണ് കാറുകളിലെത്തിയ സംഘം സ്കൂട്ടര് തടഞ്ഞ് അഷറഫിനെ തട്ടിക്കൊണ്ടുപോയത്. സംഭവം കണ്ട ബൈക്ക് യാത്രക്കാരാണ് പൊലീസില് വിവരമറിയിച്ചത്.മൂന്ന് ദിവസങ്ങള്ക്ക് ശേഷം തിരിച്ചെത്തി.കഴിഞ്ഞ ദിവസം രാത്രിയാണ് ഇയാള് വീട്ടിലെത്തിയത്. തന്നെ രാവിലെ കൊല്ലത്ത് കണ്ണുകെട്ടി ഇറക്കിവിടുകയായിരുന്നു എന്നാണ് അഷറഫ് പറയുന്നത്.
പിന്നാലെ കൊല്ലത്തുനിന്ന് ബസ് കയറി കോഴിക്കോട് എത്തുകയായിരുന്നു. സംഭവത്തിനിടെ മൊബൈല് ഫോണ് നഷ്ടമായതിനാല് ആരെയും ബന്ധപ്പെടാന് കഴിഞ്ഞില്ലെന്നും ഇയാള് പറയുന്നു.സംഭവത്തില് ഇതുവരെ മൂന്ന് പേര് അറസ്റ്റിലായിട്ടുണ്ട്. മലപ്പുറം രണ്ടത്താണ് കഴുങ്ങില് വീട്ടില് മുഹമ്മദ് ജൗഹര്, മുക്കം കൊടിയത്തൂര് സ്വദേശികളായ മുഹമ്മദ് നാസ്, ഹബീബ് റഹ്മാന് എന്നിവരെയാണ് താമരശ്ശേരി പൊലീസ് അറസ്റ്റ് ചെയ്തിരിക്കുന്നത്.
