.jpg)
അയര്ലൻഡിൽ മലയാളി നഴ്സ് കാൻസർ ചികിത്സയിലിരിക്കെ അന്തരിച്ചു. അയർലൻഡിലെ ലോംഗ്ഫോർഡില് കുടുംബമായി താമസിക്കുന്ന ഇടുക്കി തൊടുപുഴ മുതലക്കോടം കിഴക്കേക്കര എപ്രേം സെബാസ്റ്റ്യന്റെ ഭാര്യ ഷാന്റി പോൾ (52) ആണ് മരിച്ചത്.ഇന്നലെ (തിങ്കൾ) രാവിലെ 8 മണിയോടെ മുള്ളിംഗാർ ഹോസ്പിറ്റലിൽ വച്ചായിരുന്നു അന്ത്യം.
എറണാകുളം അങ്കമാലി മൂക്കന്നൂർ അട്ടാറ മാളിയേക്കൽ കുടുംബാംഗമാണ് ഷാന്റി. രണ്ട് വര്ഷത്തോളമായി കാന്സര് ബാധിതായി ചികിത്സയിൽ ആയിരുന്നു. ലോംഗ്ഫോര്ഡിലെ മിഡ്ലാൻസ് ഇന്റലക്ച്വൽ ഡിസെബിലിറ്റി സെന്ററിൽ സ്റ്റാഫ് നഴ്സായി സേവനം അനുഷ്ഠിക്കുകയായിരുന്നു. ലോംഗ്ഫോർഡിൽ എത്തും മുൻപ് താല ന്യൂ കാസിലിൽ താമസിച്ചിരുന്ന ഷാന്റി പോള് ബ്യൂമോണ്ട് ഹോസ്പിറ്റലില് ജോലി ചെയ്തിട്ടുണ്ട്. കഴിഞ്ഞ 5 വര്ഷമായി ലോംഗ്ഫോര്ഡിലാണ് ഷാന്റിയും കുടുംബവും താമസിക്കുന്നത്.
