കോട്ടയം: കൊടുങ്ങല്ലൂർ ഓറ എഡിഫൈ ഗ്ലോബൽ സ്കൂളിൽ നിന്ന് കടുത്തുരുത്തി മാംഗോ മെഡോസ് സന്ദർശിക്കാനെത്തിയ കൊടുങ്ങല്ലൂർ സ്വദേശിനിയായ പത്താം ക്ലാസ് വിദ്യാർത്ഥിനി കുഴഞ്ഞു വീണു മരിച്ചു.കൊടുങ്ങല്ലൂർ ഓറ എഡിഫൈ ഗ്ലോബൽ സ്കൂൾ പത്താം ക്ലാസ് വിദ്യാർത്ഥിനി കൊടുങ്ങല്ലൂർ മേത്തല കൊല്ലിയിൽ വീട്ടിൽ നസീറിന്റെ മകൾ ഫാത്തിമ നസീർ (15) ആണ് മരിച്ചത്.
പാർക്ക് കാണാനെത്തിയ ഫാത്തിമ കൂട്ടുകാരുമൊത്ത് പാർക്കിൽ നടക്കുന്നതിനിടെ കുഴഞ്ഞുവീഴുകയായിരുന്നു. ഉടൻ തന്നെ അടുത്തുള്ള ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മരണത്തിൽ കടുത്തുരുത്തി പൊലീസ് അസ്വാഭാവിക മരണത്തിന് കേസെടുത്തു.
